甩隙咔
不論是大時大節，還是人生大事，什麼大伯二嫂三叔四姑五哥六表姨等都會一年數次濟濟一堂大吃大喝。噓寒問暖期間，忽然長老級的七舅公老爺要總動員尋找甩脫了的小零件。莫非是老花眼鏡掉了螺絲？原來老人家要傳承民俗手工藝製作胡桃夾子，送給即將頭胎誕生的外甥孫女為禮物。既是返老還童，也是想保持手腳靈活，避免過度空閒無聊，引致認知障礙痴呆腦退化。正是年來誰不厭龍鍾？
《甩隙咔》— 黃叔叔吟吟沉沉日記
《甩隙咔》前言 — 黃叔叔 吟吟沉沉大半生
《甩隙咔》前言 — 黃叔叔 吟吟沉沉大半生我叫黃狄文，70年代喺廣華醫院出世，細個嘅時候讀司徒氏宗親會小學，之後老豆覺得我讀書唔叻，要我轉去英文小學，結果讀得仲差咗，因為完全聽唔明老師講乜。考完會考嗰個暑假，我去咗做救生員，賺咗四萬蚊！結果我就用呢四萬蚊去蘭桂坊蒲，搞到阿媽晚晚call爆我機，蒲咗四個月，最後仲得咗肺炎。我呢排嘅人生夢想喺做一個作曲家，嚟緊大埔區室內管弦樂團會演奏我嘅最新作品《甩隙咔》，希望大家嚟尖沙咀文化中心小劇場多多捧場啦！《甩隙咔》第一章 — 黃叔叔 吟吟沉沉之字典篇
我叫黃狄文，上次講到我無端端被老豆轉校，老師全程都用英文教，雖然我一句都聽唔明，但係我仍然好認真去學。今日我要介紹柴可夫斯基嘅The Nutcracker，主角係講一個士兵公仔……“Luck-quac-ka”？喺咪咁寫呀、「甩」 、「隙」 、「咔」，我知個故事講乜啦！有一個甩手士兵撞向牆，撞到裂咗有條罅隙，跟住佢笑到咔咔聲～我嘅想像力同作曲家夢想，就係喺細細個慢慢培養出嚟㗎啦！《甩隙咔》第二章 — 黃叔叔 吟吟沉沉之勞作篇
我係黃狄文，
我運用咗自己超強嘅想像力同非凡造詣，
輕輕鬆鬆就整咗呢個「甩隙咔」，即係我嘅Nutcracker公仔。
個樣唔太似我，唔算好靚仔，件衫又無兩排金色鈕喎…
個頭仲好大，睇落入面裝滿數之不盡嘅故仔！
雖然佢係一個白髮銀鬚嘅伯伯。
但佢好勁㗎，揸住把劍仲好有型～～
噢，一個唔小心太用力，整甩咗隻手臂𠻹！《甩隙咔》第三章 — 黃叔叔 吟吟沉沉之鬍思亂想篇
我係黃狄文，
呢排忙緊 我嘅Single《甩隙咔》，
喺我寫呢首單曲嘅時候，
我見到所有五線譜上面嘅音符都變成真人！有佛系光頭叔叔
見字飲水靚仔哥
仙氣超能力女俠
仲有小朋友興奮到高歌「屯馬開通真的很興奮～」
當音樂響起佢哋就會開始一齊跳舞～
見到佢哋、我諗起一班令人懷念嘅小伙伴…今日講住咁多先，如果你仲想聽到我繼續吟吟沉，記住要 C｜L｜S啦～
《甩隙咔》第四章 — 黃叔叔 吟吟沉沉之大師演奏篇
我係黃狄文，
正當我忙緊《甩隙咔》排練嘅時候，
有人同我舉報、有個文青哥哥成日係大埔藝術中心演奏我首單曲。
重點係傳聞話佢靚仔過我，我梗係唔信啦，所以咪去見識吓囉。
結果，我俾佢嘅非凡氣質同琴聲震懾住我！
聞名不如見面，為咗等大家都可以目睹佢嘅風采，
我誠邀咗佢今個星期五六日，同我一齊喺文化中心小劇場演出，
約定你啦～🥳
CCDC保留更換及/或修訂已公布的節目內容之權利
傳媒報導
更多活動資訊
20.08.2021[五]7:30PM
21.08.2021[六]2:30PM,7:30PM
22.08.2021[日]2:30PM
香港文化中心劇場
$280
節目查詢 2329 7803